القاهرة-قدس اليومية|قامت أسما ابنة الفنان الشهير شريف منير بالكشف عن بعض تفاصيل أزمتها الأخيرة مع والدها والتي قام على اثرها الأخيربتقديم اعتذار علني منها، وأكدت أنها تعلمت الكثير من موقف والدها، وبينت بأن كثرة الخلافات بينها وبين والدها بأنهما ينتميان إلى برجي الثور والحمل ومن طباعهما الغضب والانفعال السريع.
يشار أن أسما قد أعادت نشر فيديو قام والدها شريف منير بعرضه على حسابه بموقع إنستقرام لمصالحتها والاعتذار منها وردت عليه قائلة: “هي دي تقريبا علاقتي أنا وأبويا ناقر ونقير، أبويا برج الثور وأنا برج الحمل الاثنين طيبين بس سخنين ومتسرعين، عايزة أحكيلكم على موقف مهم جدا وأثر فيا”.
وتابعت: “أبويا عمل حاجة إمبارح علمتني حاجات كتير أوي، للي ميعرفش كان في سوء تفاهم كدا وكنت زعلت شوية منه، فجأة لقيته منزل ڤيديو عنده على الإنستجرام بيطيب خاطري وبيقولي ما تزعليش قدام كل الناس، طبعا أنا كنت طايرة من الفرحة ونسيت اصلا إني كنت في يوم زعلانة لأنها حركة في منتهى الجمال والحنية والطيبة، وكمان علمتني كتير أوي وده اللي خلاني أحكي الموضوع”.
وأضافت أسما قائلة: “أولا اتعلمت إن الاعتذار بيكبر الواحد جدا عمره ما يصغره، الكبرياء اللي يخلي حد فاكر إنه لو ما اعتذرش هو كده جامد ده كلام فارغ، علمني إني لما أزعل بنتي أعتذر لها لو فعلاً غلطانة عشان عرفت قد إيه بيفرق في النفسية ومش عشان إحنا أهل يبقي مش وارد إننا نغلط”.
كما وأوضحت بعض الدروس التي تعلمتها من تصرف والدها وقالت: “أبويا جريء وصادق واللي على قلبه على لسانه وأنا بحترمه وبحبه وبتعلم منه كل يوم، عامل معادلة صعبة وحقيقي خطيرة، مكس كده بين إنه صاحبي وأبويا، يعني ضحك وتهريج وأحكيله كل حاجة بس وقت الجد عسكري واقفة قدام حضرة الظابط”.
وانهت حديثها موجهة رسالة إلى والدها قالت عبرها: “ربنا يبعد عنا العين الوحشة ويباركلي فيه وفي عمره وأفضل أتعلم منه كل يوم وأفضل فخورة إنه أبويا العمر كله”.
تجدر الإشارة إلى أن الفنان شريف منير كان قد قام بنشر فيديو له رفقة ابنته أسما، وعلق عليه بالقول: “أنا منزل الكليب ده علشان بصالح أسما، بنتي وحبيبتي، لأني كنت مزعلها، متزعليش مني يا أسما، أنا فعلا كنت بايخ”.
